02 августа 2014 г.
Паянхи кун районти ял хуçалăх производство кооперативĕсемшĕн, колхозсемшĕн, фермер хуçалăхĕсемшĕн чи пĕлтерĕшли - вырмана ăнăçлă ирттересси. Çĕр ĕçченĕсем ку енĕпе пикенсех ĕçлеççĕ. Хальлĕхе (июлĕн 31-мĕшĕ тĕлне) районĕпе пурĕ 3438 гектар çинчи пĕрчĕллĕ тата пăрçа йышши культурăсене çулнă. Çав шутра ку ĕçе "Слава картофелю" агрофирмăра - 366 гектар, "Восток" ЯХПК-ра - 280 гектар, "Асаново" ЯХПК-ра - 215 гектар, "Трудра" - 204 гектар, "Славăра" - 188 гектар, "Урожай" колхозра 180 гектар çинче пурнăçланă. Вырмана тухнă хуçалăхсенче пурĕ 5984 тонна тырă тĕшĕленĕ. Вăтам тухăç кашни гектартан - 19,4 центнер. Чи пысăк тухăç - "Рассвет" ЯХПК-ра (31,6 центнер), "Урожай" колхозра (31 центнер), Хайртдиновăн фермер хуçалăхĕнче (29,5 центнер).
Ш.ЗЕЙНУТДИНОВ.
Источник: "Каçал Ен"