26 января 2013 г.
Россия Федерацийĕнче 2007 çултанпа паянхи кунччен Африка чуми ернĕ 404 тĕслĕх тупса палăртнă. Акă, 2013 çулта кăна Краснодар тăрăхĕнче тата Иваново облаçĕнче 4 хутчен çак чире регистрациленĕ. Пирĕн района та Африка чумине пуçаракан инфекци килес хăрушлăх пур.
Сыснасен Африка чуми — хăвăрт ерекен чир, унпа сиенленнĕ выльăхсем пурте вилеççĕ. Килти сыснасем тата хир сыснисем кирек хăçан та чирлеме пултараççĕ. Вирус температура режимне те пăхăнмасть, типĕтсен те, шăнтсан та, çĕртсен те упранать. Инфекци лекнĕ сысна какайĕнче те 5 — 6 уйăх таран сыхланса юлать.
Иртнĕ çул профилактика тĕлĕшĕпе районта тĕрлĕ мероприятисем пурнăçларăмăр. 11241 пуç сыснана асăннă чиртен вакцинациленĕ.
Источник: "Каçал Ен"