17 мая 2014 г.
Çанталăк ăшăтрĕ, выльăх-чĕрлĕх уй-хире тухма пуçларĕ. Районти 24 ял хуçалăх кооперативĕпе фермер хуçалăхĕнчен чылайăшĕ ĕне кĕтĕвĕсене хире кăларнă та. Майăн 8-мĕшĕ тĕлне "Алга", "Асаново", "Восток", "Луч", "Победа", "Труд" ЯХПК-сен, "Кызыл сабанча", Минатуллинăн фермер хуçалăхĕсен, "Сюрбеево" ООО кĕтĕвĕсем уйра çỹренĕ.
"Труд" хуçалăхра И.Тагиров, Д.Волков, А.Волков, А.Никифоров кĕтỹçĕре тăрăшаççĕ. Выльăх-чĕрлĕхе апатланма, шыв ĕçме ятарлă вырăнсем уйăрнă. Ветеринари тухтăрĕ Рифкат Минуллин, ферма заведующийĕ Минадий Хуснетдинов выльăх-чĕрлĕхшĕн яваплă. Хальлĕхе районта кашни ĕнерен талăкра вăтамран 15,3 килограмм сĕт сăваççĕ. Выльăх-чĕрлĕхе кĕтĕве кăларнă хыççăн симĕс курăк çитерни сăвăма ỹстеретех.
К.ГИМАЛЬДИНОВ.
Источник: "Каçал Ен"