08 мая 2014 г.
Чăваш Енре вĕрентекенсен профессиллĕ ăсталăхне палăртас тĕллевпе ирттернĕ республикăри пилĕк конкурса пĕтĕмлетнĕ.
"Çулталăк учителĕ - 2014" конкурс çĕнтерỹçи - Çĕнĕ Шупашкар хулинчи 5-мĕш шкулăн ют чĕлхе учителĕ Екатерина Владимирова. "Çулталăк воспитателĕ - 2014" - Çĕмĕрлери 19-мĕш "Çăлкуç" ача садĕнчи Татьяна Тетеревова. "Самый классный классный" номинацире Тукай Мишер вăтам шкулĕн ют чĕлхе вĕрентекенĕ Гузель Хайртдинова çĕнтернĕ. "Чăваш Енри социаллă педагог - 2014" ята Улатăрти 9-мĕш номерлĕ шкулти Наталия Нажалкина тивĕçнĕ. "Чăваш Енри психолог педагог - 2014" - психологипе педагогика, коррекципе реабилитаци центрĕнчи Сергей Педюсев.
"Çулталăк учителĕ" конкурс çĕнтерỹçи Чăваш Республикин Пуçлăхĕн премине (150 пин тенкĕ), "Çулталăк воспитателĕ" - 100 пин тенкĕ, ытти конкурссенче çĕнтернисем 50-шар пин тенкĕ премисене тивĕçнĕ.
Источник: "Каçал Ен"