Публикации » Акцие пĕтĕмлетсе

02 апреля 2014 г.

Чăваш Республикинче мартăн 17-28-мĕшĕсенче Пĕтĕм Раççейри "Вилĕм ăçта сутнине пĕлтер" акци иртрĕ. Ăна Раççей Федерацийĕн наркотиксен çаврăнăшне тĕрĕслесе тăракан федераллă служби çулсеренех йĕркелет. Акци вăхăтĕнче районта та нумай мероприяти ирттернĕ. Вĕренекенсемпе тĕл пулусем йĕркеленĕ, наркотик сиенĕ пирки каласа панă. Çамрăксемпе çул çитмен ачасем ытларах çỹрекен вырăнсене, культура учрежденийĕсене, кафесене, нумай хваттерлĕ çуртсен подъезчĕсене тĕрĕсленĕ. Акци вăхăтĕнче наркотик сутакан, упракан, ăна хатĕрлекен тĕслĕхсем пулман. Саккуна пăсса наркотик тата психотроплă хутăшсем илсе çỹрекен çынсене тупса палăртас енĕпе районти шалти ĕçсен пайĕн сотрудникĕсем ятарлă тĕрĕслевсем йĕркеленĕ. Районти тĕп больницăн врач-наркологĕ Л.Ярышева 65 çынна профилактика консультацийĕ панă.

Источник: "Каçал Ен"