16 января 2013 г.
Раççейри муниципалитетсем хушшинчи «Комсомольский» пайĕнче 2012 çулта çул çитмен 39 ачана учета тăратнă. Виçĕм çул вĕсен шучĕ 49-па танлашнă.
Иртнĕ çул вĕсемпе тăтăшах профилактикăлла тата тĕллевлĕ мероприятисем ирттертĕмĕр: калаçусем, лекцисем, тĕл пулусем, операцисем, акцисем тата ытти те. Эрех-сăра ĕçнĕ 11 ачана тытса чарса протокол çыртăмăр. Хулиганла ĕçсемшĕн 7-ĕн явап тытрĕç.
Çул çитменскерсем ÿсĕр пулнăшăн 3 ачан ашшĕ-амăшне РФ Административлă кодексĕн 20.22 статйипе килĕшÿллĕн штрафларăмăр. Çавăн пекех ашшĕ-амăшĕн тивĕçĕсене кирлĕ шайра пурнăçламаншăн 84 ашшĕ-амăшне явап тыттартăмăр.
Источник: "Каçал Ен"