19 февраля 2014 г.
Февралĕн 13-мĕшĕнче Комсомольски 1-мĕш вăтам шку-лĕнче вырăсла вулакансен «Живая классика» конкурсĕ иртнĕ.
Унта хутшăнакансем вырăс тата ют çĕр-шыв поэчĕсен сăввисене, калавĕсене тата ыттине пăхмасăр вуланă.
Диана Тимаевăпа (7-мĕш «а» класс) Ксения Гришина (7-мĕш «б» класс) пĕрремĕш вырăна çĕнсе илнĕ. Вĕсем иккĕшĕ те А.де Сент-Экзюперин «Маленький принц» сăввине вуланă. 8-мĕш «а» класра пĕлÿ пухакан Надия Абинова И.С.Тургеневăн произведенийĕпе паллаштарнă.
Даниил Титов (5-мĕш «б» класс) вара М.Горький çырнă «Старуха Изергиль» калавăн пĕр сыпăкне вуланă. Вăл «Ар-тистизм исполнения» номинацире пĕрремĕш вырăна тухнă. 6-мĕш «а» класра вĕренекен Ильшат Гисматуллин В.Драгунскин «Куриный бульон» калавĕпе «Выразительность речи» номинацире çĕнтерÿçĕ пулнă.
Конкурсантсене Зоя Чернова, Ирина Соловьева тата Надежда Воробьева учительсем хатĕрленĕ.
(ХАМĂР ИНФ.).
Источник: "Каçал Ен"