25 декабря 2013 г.
Республикăра «Çамрăксем — сывă пурнăç йĕркишĕн!» акци вĕçленнĕ. Çак мероприятие кашни çулах Раççей Федерацийĕн Президенчĕн Указĕпе килĕшÿллĕн йĕркелеççĕ.
Акцие 248 пине яхăн çын хутшăннă, çав шутран 200 пинрен ытларахăшĕ — 14—30 çулсенчи çамрăксем. Акци вăхăтĕнче 9 пин ытла мероприяти ирттернĕ.
«Çак тапхăрта пирĕн районта 357 мероприяти йĕркеленĕ, унта пурĕ 5575 яхăн çын хутшăннă. Вĕсенчен 4200-шĕ —14—30 çултисем», — пĕлтерчĕ район администрацийĕн вĕренÿ пайĕн ертсе пыракан специалист-эксперчĕ Ольга Карсакова.
Акă, Нĕркеç вăтам шкулĕн вĕренекенĕсемпе учителĕсем акци вăхăтĕнче чылай мероприяти йĕркеленĕ: спорт ăмăртăвĕсем, тĕл пулусем, калаçусем тата ытти те. Кунта, паллах, шкул директорĕн Надежда Александровна Петрован тÿпи те пысăк.
М.АЛЕКСЕЕВА.
Источник: "Каçал Ен"