07 декабря 2013 г.
Декабрĕн 9-мĕшĕ — Пĕтĕм халăхсен коррупципе кĕрешмелли кун. Шăпах çак кун умĕн ЧР районсем хушшинчи Патăрьелĕнчи следстви комитечĕ хăйĕн 9 уйăхри ĕç-хĕлне пĕтĕмлетрĕ.
Кăçал следстви комитетне коррупципе çыхăннă преступлени пирки 78 хыпар пулнă. Вĕсенчен 48-шĕпе уголовлă ĕç пуçарнă, 24-шне пăрахăçлама йышăннă. Коррупципе уголовлă 11 ĕç пуçарнă, 5 тĕслĕх вара шăпах Комсомольски районĕпе çыхăннă.
Тĕслĕхрен, Кĕçĕн Çĕрпÿелĕнчи ветеринари пункчĕн заведующине аш-какай пирки справка çырса панăшăн,1694 тенкĕ взятка илнĕшĕн айăпланă. Çавăн пекех Комсомольски районĕнче ĕç вырăнĕпе усă курса коррупципе çыхăннă преступлени тунăшăн 54 тĕслĕх тупса палăртнă, взятка илнипе 26 тĕслĕх регистрациленĕ. Взятка паракан тĕлĕшпе уголовлă 1 ĕç пăхса тухнă.
Р.ШАЙХАЛОВ.
Источник: "Каçал Ен"