07 декабря 2013 г.
Раççей Федерацийĕн Правительствин 2013 çулхи майăн 28-мĕшĕнчи «Канмалли кунсене куçарасси çинчен» йышăнăвĕпе килĕшÿллĕн çитес çулта январĕн 4-мĕшĕпе 5-мĕшĕсем (шăмат кунпа вырсарни кунсем) майăн 2-мĕшĕпе июнĕн 13-мĕшне куçаççĕ.
2014 çулта Çĕр-шыва хÿтĕлекенсен кунĕ (февралĕн 23-мĕшĕ) вырсарни куна лекет. Февралĕн 24-мĕшĕнчи канмалли кун ноябрĕн 3-мĕшне куçать.
Çитес çулта Çĕнĕ çул тата Раштав уявĕсене январĕн 1-мĕшĕнчен пуçласа 8-мĕшĕччен паллă тăваççĕ. Çавăн пекех мартăн 8—10-мĕшĕсенче — Пĕтĕм тĕнчери хĕрарăмсен кунне, майăн 1—4-мĕшĕсенче — Çуркуннепе Ĕç, 9—11-мĕшĕсенче Çĕнтерÿ кунне уявлаççĕ.
(Хамăр инф.).
Источник: "Каçал Ен"