23 ноября 2013 г.
Çавăн пек девизпа ноябрĕн 20-мĕшĕнче ача-пăча искусство шкулĕн преподавателĕ Татьяна Иванова «Кĕтне» физкультурăпа спорт комплексĕнче мастер-класс ирттерчĕ. Сăмах май, мероприятие вăл район администрацийĕн ĕçченĕ Новелла Розова пуçарăвĕпе йĕркелерĕ. Унта районти пур ял тăрăхĕсен пуçлăхĕсем, район администрацийĕн ĕçченĕсем хутшăнчĕç.
Татьяна Евтихиевна çур сехет ытла ирттернĕ мероприятие хутшăнакансем кĕвĕпе тĕрлĕ хусканусем туса сывлăха çирĕплетрĕç. Районти культурăпа кану центрĕн ĕçченĕ Елена Шленкина ятарлă кĕвĕ-çемĕ суйласа килнĕ.
Мастер-класра çак кун 100 ытла çын сывлăхне çирĕплетрĕ. Шел пулин те, ар çынсем хускану тума (аэробика) питех кăмăлламаççĕ иккен. Ăна мероприяти те çирĕплетрĕ. Тĕнчери ăсчахсем палăртнă тăрăх, хускану туни утнинчен те, чупнинчен те организма пиçĕхтерме ытларах витĕм кÿрет.
М.ИЛЛАРИОНОВА.
Источник: "Каçал Ен"