30 октября 2013 г.
Нумаях пулмасть Кивĕ Сĕнтĕрсем Ваттисен кунне йĕркелерĕç. Чи малтанах пухăннисене саламласа Александровка ял тăрăхĕн пуçлăхĕ Л.А.Полякова сăмах каларĕ, ырлăх-сывлăх сунчĕ. Пархатарлă ĕçĕсемшĕн ватăсене тав турĕ, малашне çапла тăтăшах пуçтарăнма сĕнчĕ.
Галинăпа Валерий Ванюркинсем вара уява пухăннисене илемлĕ сассисемпе савăк кăмăл парнелерĕç. Ватăсем те артистсемпе пĕрле юрăсем шăрантарчĕç, ташă картине те тăчĕç.
Мероприятие йĕркелекенсем Комсомольски райповĕн председательне Е.И.Карпеева, «Слава картофелю» агрофирма генеральнăй директорне Х.С.Идиатуллина, фермер хуçалăхĕн ертÿçине Ф.Г.Хайртдинова, «Çăлкуç», «Марина» магазинсен заведующи-йĕсене тата ыттисене те тав турĕç.
А.ПЕТРОВА.
Источник: "Каçал Ен"