23 октября 2013 г.
Паянхи пурнăç условийĕсем пĕлĕве яланах ÿстерме, çĕнетме хистеççĕ. Ку вăл уйрăмах ертÿçĕсене тивет. Çакна патшалăх органĕсем йышăннă тĕрлĕ хушусем те çирĕплетеççĕ.
Акă, нумаях пулмасть районти вĕренÿ учрежденийĕсен 26 ертÿçине И.Н.Ульянов ячĕллĕ Чăваш патшалăх университетĕнче хушма пĕлÿ илни çинчен дипломсем пачĕç. Директорсем хăйсен шутĕнчен тÿлесе çур çул ытла «Патшалăх тата муниципаллă учрежденисене ертсе пырасси» программăпа вĕренсе диплом ĕçĕсене ăнăçлă хÿтĕлерĕç. Çак ятпа вĕсене ЧПУн Патăрьелĕнчи филиалĕн директорĕ Л.В.Лялина профессор, Патăрьел район администрацийĕн пуçлăхĕн çумĕ, вĕренÿ пайĕн начальникĕ В.В. Осипов тата ыттисем саламларĕç, малашне те ĕçре ăнăçу сунчĕç.
М.ИВАНОВА.
Источник: "Каçал Ен"