14 сентября 2013 г.
Кăçалхи сентябрĕн 1-мĕшĕ тĕлне пирĕн районта нумай ачаллă 350 çемье шутра тăрать. Вĕсенче 1107 ача çитĕнет. Çак шутран 305 çемйинче — 3 (915 ача), 34-шĕнче — тăватшар, 10-шĕнче пилĕкшер ача. Пирĕн тăрăхра ултă ача çитĕнтерекен пĕр çемье те пур.
2013 çулхи январĕн 1-мĕшĕнчен нумай ачаллă çемьесене 2012 çулхи декабрĕн 31-мĕшĕ хыççăн çуралнă е усрава илнĕ виççĕмĕш ачашăн патшалăх уйăхсерен хушма укçа тÿлет. Халлĕхе район администрацийĕн социаллă хÿтлĕх пайне çак тÿлев пирки 18 çемье ыйтса çырнă, вĕсене пурне те асăннă тÿлевпе тивĕçтереççĕ. Çулталăк пуçланнăранпа нумай ачаллисене 623103 тенкĕ тÿленĕ.
Источник: "Каçал Ен"