04 сентября 2013 г.
Нумаях пулмасть районти ветерансен совечĕн анлă канашлăвĕ иртрĕ. Унта район администрацийĕн пуçлăхĕ М.Р. Афанасьев, район больницин тĕп врачĕн çумĕ И.И.Ефремова, РФ Пенси фончĕн районти управленийĕн начальникĕ С.В. Горбунов, 41-мĕш номерлĕ аптека директорĕ Л.В.Васильева хутшăнчĕç. Пухăннисем ветерансене хумхантаракан тĕп ыйтусене сÿтсе яврĕç. Сергей Горбунов пенси саккунĕпе çыхăннă ыйтусене анлă çутатса пачĕ, улшăнусемпе, çĕнĕлĕхсемпе паллаштарчĕ. Аптекăра ветерансене эмелсемпе тивĕçтерессине еплерех йĕркеленипе Людмила Васильева тухса калаçрĕ. Шурутри ватăсене вăхăтлăх пурăнмалли учреждени ĕçĕ-хĕлĕ пирки Валентина Уткина заведующи каласа пачĕ. Районти лару-тăрупа, пурнăçланă ĕçсемпе, малашнехи плансемпе Михаил Афанасьев паллаштарчĕ.
Ю.ТИМОФЕЕВ.
Источник: "Каçал Ен"