Публикации » Ĕçре яланах хастар

17 июля 2013 г.

Ял хуçалăх предприятийĕсенче — хĕрÿ ĕç вăхăчĕ. Уттине хатĕрлемелле, сенажне хывмалла, çĕр лаптăкĕсене сухаламалла, вырмана тухмалла. Хĕл хырăмĕ тутă пуласси палăртнине вăхăтра пурнăçланинчен нумай килет. Ĕçченсем тăрăшуллă пулни те ĕçе вăхăтра вĕçлеме парать. Акă, Вячеслав Челаков — «Слава» ял хуçалăх предприятийĕнчи маттур ĕçченсенчен пĕри. Вăл чылай çул хуçалăхра тăрăшать. Шаннă ĕçе яланах вăхăтра та пахалăхлă пурнăçлать. Кăçал Вячеслав Челаков КРН-2,1 косилкăпа чылай утă çулнă. Унпа пĕрлех тĕрлĕ ĕçсене те хутшăнать. Пултаруллă тракторист шанса панă ĕçрен нихăçан та пăрăнмасть. Çавăнпах ăна коллективра хисеплеççĕ.

А.ЕФРЕМОВА. 

Источник: "Каçал Ен"