10 июля 2013 г.
Раççей Чрезвычайлă лару-тăру министерстви шкул ачисене «Хăрушлăхсăр çĕр-шыв» ÿкерчĕксен конкурсне хутшăнма чĕнет. Конкурса Пĕтĕм Раççейри «Хăрушсăрлăх культури» вĕренÿ проекчĕпе килĕшÿллĕн йĕркелеççĕ. Ăна ачасене тĕрлĕ йывăр лару-тăруран çаврăнса тухма, хăрушсăрлăх правилисемпе усă курма вĕрентес тĕллевпе ирттереççĕ.
Ÿкерчĕксен конкурсне «Хăрушсăрлăх культури» проект участникĕсем, 6—17 çулхи шкул ачисем хутшăнма пултараççĕ. Ÿкерчĕксене кăранташпа, фломастерпа, гуашьпа е пастельпе А3 форматлă хут çине ÿкермелле. Унта «Юльăпа Романăн чрезвычайлă приключенийĕсем» видео-пособин сюжечĕ тĕп вырăнта пулмалла. Шыв çинче, вăрманта, пушарта, транспорт çинче хăвăра мĕнле тытмаллине, хăрушсăрлăх правилисене лайăх пĕлнине ÿкерсе кăтартмалла.
Конкурса хутшăнас текенсен заявкисене ноябрĕн 15-мĕшĕчченех йышăнаççĕ. Тĕплĕнрех сайтра паллашма пулать.
Источник: "Каçал Ен"