06 июля 2013 г.
Ача-пăчаллă çемьесене пулăшу кÿмелли мерăсенчен пĕри вăл — патшалăх пособийĕсем тÿлесси. Вĕсене Чăваш Республикин 2004 çулхи ноябрĕн 24-мĕшĕнче йышăннă 46 №-лĕ «Ачаллă граждансене патшалăх пособийĕсем парасси çинчен» саккунĕпе килĕшÿллĕн тÿлеççĕ. Кашни уйăхра паракан пособи шайне çулталăкра пĕрре индексацилеççĕ.
ЧР Министрсен Кабинечĕн 2013 çулхи июнĕн 13-мĕшĕнчи 214 №-лĕ «Ачаллă граждансен патшалăх пособийĕсене индексацилеме индекс-дефлятор палăртасси çинчен» постановленийĕпе килĕшÿллĕн, кăçалхи июлĕн 1-мĕшĕнчен кашни уйăхра паракан ача пособийĕсене, ĕçсĕр йывăр çын хĕрарăмсене тата ача çуратнăшăн паракан пособисене 5,5 процент чухлĕ индексацилеççĕ.
Источник: "Каçал Ен"