29 июня 2013 г.
Çĕртме уйăхĕн 25-мĕшĕнче Комсомольски 2-мĕш вăтам шкулĕнче савăнăçлă лару-тăрура 34 шкул пĕтерекене аслă çула ăсатрĕç. Гелия Алиуллина, Татьяна Григорьева, Людмила Чаркина шкула кĕмĕл медальсемпе пĕтерчĕç. Шкул пĕтерекенсем хушшинче: район администраци пуçлăхĕн стипендиачĕ, район тата республика шайĕнче иртекен олимпиадăсемпе конкурссен çĕнтерÿçи — Юлия Козлова, республика шайĕнче иртнĕ сочиненисен конкурсĕн çĕнтерÿçи — Александра Артемьева, районти чи лайăх спортсмен — Александр Тимофеев.
Пурнăçăн аслă çулĕ çине тухакансене шкул директорĕ Геннадий Длинов, район пуçлăхĕ Евгений Карпеев, районти вĕренÿ пайĕн ĕçченĕ Любовь Пушкина тата шкулти ашшĕ-амăшĕсен комитечĕн председателĕ Татьяна Мамуткина саламларĕç, çамрăксене телей, ĕмĕчĕсене пурнăçа кĕртме ăнăçу сунчĕç. Шкулпа сыв пуллашакансем вара вĕрентекенсене, ашшĕ-амăшне чĕререн тухакан ăшă сăмахсемпе тав турĕç.
Телейлĕ çул пултăр, выпускниксем!
Л.МАКАРОВА.
Источник: "Каçал Ен"