18 мая 2013 г.
Çу уйăхĕн 16-мĕшĕнче район пуçлăхĕ, депутатсен Пухăвĕн председателĕ Евгений Карпеев, район администрацийĕн пуçлăхĕ Михаил Афанасьев тата унăн çумĕ Илдус Миннетуллин Мускавăн, Центрти регионăн тата Чăваш Енĕн муфти-йĕпе Альбир хазрат Кргановпа тата Чăваш Енĕн Муфтият аппарачĕн ертÿçипе Мансур хазрат Хайбулловпа тĕл пулнă. Унта вĕсем районти нацисемпе конфессисем хушшинчи хутшăнусемпе çыхăннă ыйтусене сÿтсе явнă. Çак ыйтусем пирĕн тăрăхшăн уйрăмах пĕлтерĕшлĕ, мĕншĕн тесен район территорийĕнче чылай çул ĕнтĕ чăвашсем, тутарсем, вырăссем тата ытти наци çыннисем килĕштерсе пурăнаççĕ.
Палăртмалла: пирĕн республикăра ислам йăли-йĕркисем пысăк вырăн йышăнаççĕ. Вĕсем тĕрлĕ халăхсен культурин аталанăвĕ çине те витĕм кÿреççĕ