18 мая 2013 г.
Карас çыхăнăвĕн виçĕ компанийĕн операторĕсем Тăван çĕр-шывăн Аслă вăрçин ветеранĕсене çăмăллăхлă карас çыхăнăвĕпе тивĕçтермелли акцие ырласа йышăннă. Çак пуçарупа операторсем патне Раççей Федерацийĕн Федераци Канашĕн Председателĕ Валентина Матвиенко тухнă.
«Мегафон» компани ятарлă тарифлă «Ветеран» плана ĕçе кĕртнĕ. Çак опципе çыхăнсан Тăван çĕр-шывăн Аслă вăрçин ветеранĕсем, Чăваш Республикинче пурăнаканскерсем, пĕр-пĕрин патне тÿлевсĕрех шăнкăравлама пултараççĕ.
«МТС» АУО ветерансене кашнине ятран паракан сертификат парнелеме палăртнă. Ку сертификата кăтартсан çăмăллăхлă тариф планĕпе усă курма май килет.
«ВымпелКом» АУО пĕтĕм ветерана кашни уйăхра ятарлă пакетпа — тÿлевсĕр 300 минутран (хăйсем шăнкăравласан) тăраканскерпе — тивĕçтерме йышăннă. Тариф регионра кăна вăйра тăрать.