24 апреля 2013 г.
Комсомольски ача-пăча искусство шкулĕн воспитанникĕсем районта, республикăра иртекен тĕрлĕ конкурссене, фестивальсене хутшăнаççĕ, малти вырăнсене йышăнаççĕ.
Акă, иртнĕ эрнере те вĕсем тĕп хуламăрти «Вдохновение» республика конкурсне хутшăннă. Ăна йĕркелекенĕ — Чăваш Республикин Культура министерстви.
Çак конкурсра «Островок» ушкăн (ертÿçи — Татьяна Евтихиевна Иванова) «Эстрада ташши» тата «Халăх ташши» номинацисенче I тата II степеньлĕ Дипломсене тивĕçнĕ. Саламлатпăр!
М.АЛЕКСЕЕВА.