24 апреля 2013 г.
Влаç тытăмĕнче тăрăшакансем кăçалхи ака уйăхĕн 21-мĕшĕнчен пуçласа Вырăнти хăй тытăмлăх кунне палăртаççĕ. Çак кун 1785 çулта II Екатерина императрица «Хуласене панă грамотăна» («Жалованная грамота городам») алă пуснă.
Уяв ячĕпе район администрацийĕн пуçлăхĕ нумай çул тăрăшуллă ĕçлекенсене — Тукай ял тăрăхĕн администрацийĕн специалистне Р.Н.Афанасьевăна, Комсомольски район депутачĕсен Пухăвĕн депутатне В.Н.Гаврилова, район администрацийĕн экономика, пурлăх тата çĕр хутшăнăвĕсен уйрăмĕн тĕп специалист-экспертне Л.Ш. Гинатуллинана, учетпа отчет секторĕн тĕп специалист-экспертне М.А.Денисовăна, капиталлă строительствăпа коммуналлă хуçалăх пайĕн начальникне А.В. Краснова, вĕренÿ пайĕн тĕп бухгалтерне О.В.Максимовăна, информаци тивĕçтерĕвĕн секторĕн специалист-экспертне Н.Н.Розовăна, районăн централизациленĕ бухгалтерийĕн ертсе пыракан бухгалтерне Л.М. Садртдиновăна Хисеп грамотисемпе чысланă. Хирти Сĕнтĕр, Кайнлăк ял тăрăхĕсен пуçлăхĕсене Г.Е.Ефремова, А.Г.Кузьмина Чăваш Республикин муниципаллă пĕрлĕхĕсен Канашĕн Хисеп грамотисемпе наградăланă.