07 декабря 2012 г.
2012 çулхи вун пĕр уйăхра Комсомольски тата Елчĕк районĕсенче 37 автоавари регистрациленĕ, пĕлтĕрхипе танлаштарсан, 3 тĕслĕх сахалрах. Шел пулин те, инкексенче 8-ăн вилнĕ, 53-ĕн сусăрланнă.
Кăçалхи январь — ноябрь уйăхĕсенче водительсен çул çинчи дисциплинине ÿстерес тесе тĕрлĕ мероприятисем йĕркелерĕмĕр. Акă халĕ те «Вăрман» операци пырать. Çитменлĕхсене тупса палăртас тĕллевпе 12 тĕрĕслев ирттертĕмĕр. Ун хыççăн организацисен, предприятисен ертÿçисем ячĕпе 10 предписани патăмăр. Должноçра тăракансем çине 22 административлă протокол çыртăмăр, явап тыттартăмăр.
2012 çулта ГИБДД уйрăмĕн сотрудникĕсем ача-пăча сачĕсенче —15, вĕренÿ учрежденийĕсенче — 25 тата автотранспорт хуçалăхĕсенче 23 хутчен пулса калаçусем, лекцисем тата ытти профилактикăлла меро-приятисем ирттерчĕç.
Çул-йĕр правилисене пăснăшăн уйрăм ĕçченĕсем кăçал 5508 протокол çырнă. Вĕсенчен 291-шне — çуран çÿрекенсем çине. Руле ÿсĕрле тытнăшăн 207 çынна суд тенкелĕ çине лартнă. Хăрушсăрлăх пиçиххипе çыхăнманнисем çине 636 протокол çырнă. Штрафсене вăхăтра тÿлеменшĕн 33-ĕн явап тытнă. Çул çинче хăвăртлăх режимне пăхăнманшăн 1360 водителе айăпланă.
Источник: "Каçал Ен"