10 апреля 2013 г.
Çуркунне çитрĕ. Çунатлă туссем кăнтăртан тăван ене васкаççĕ. Вĕсене валли хăтлă вĕллесем хатĕрлемелле.
4-мĕш класра вĕренекенсем шкулта иртнĕ «Камăн вĕлли чи лайăххи;» конкурса хастар хутшăнчĕç. Ашшĕсем, пиччĕшĕсем пулăшнипе шăнкăрчсем валли «хваттерсем» ăсталарĕç. Настя Пыркина, Владик Маков, Максим Михеев, Алеша Тарасов хатĕрленĕ вĕллесем пурне те килĕшрĕç.
Шкулта тăрăшакан Геннадий Шакмаков тата Валерий Ершов пулăшнипе вĕсене садри йывăçсем çине çакрăмăр. Шăнкăрчсем эпир ăсталанă вĕллесене йышăнасса шансах тăратпăр.
Настя ПЫРКИНА.