06 апреля 2013 г.
Метеорологсем пĕлтернĕ тăрăх, апрель уйăхĕнче ăшă пулать. Юр тата пăр хăвăрт ирĕлнипе айлăмрах вырăнсене шыв илме пултарать. Çавăн пекех çулсем, кĕперсем, дамбăсем те хăрушлăхра. Специалистсен прогнозĕпе çуркуннехи ейÿ апрель уйăхĕн 11—24-мĕшĕсене лекет. Вăрнар, Комсомольски, Патăрьел, Улатăр, Çĕрпÿ районĕсене, Улатăр хулине шыв илес хăрушлăх пур.
Раççей МЧСĕн Чăваш Республикинчи тĕп управленийĕ ейÿ вăхăтĕнче чрезвычайлă лару-тăрăва сирес енĕпе вырăнти хăй тытăмлăх органĕсене çине тăрса ĕçлеме сĕнет.
Первоисточник: Газета "Каçал ен"