Публикации » Право сехетĕнче

01 декабря 2012 г.

Ачасене хăйсен прависемпе тĕплĕнрех паллаштарас тĕллевпе нумаях пулмасть районти тĕп библиотекăра «Несовершеннолетняя Фемида» ятпа право сехечĕ иртрĕ. Унта Комсомольски 2-мĕш вăтам шкулĕнче 11-мĕш «б» класра вĕренекенсем хутшăнчĕç. Библиотека ĕçченĕсем вĕсене 1990 çулта йышăннă ача прависен декларацийĕпе паллаштарчĕç. Правасемсĕр пуçне кашни ачан тивĕçĕсем пур. Вĕсем çинчен район администрацийĕн çул çитменнисемпе ĕçлекен комиссийĕн секретарĕ Л.М.Пушкина каласа пачĕ, ачасен ыйтăвĕсем çине тĕплĕн хуравларĕ. Çавăн пекех вĕренекенсем «Правовой лабиринт» конкурсра хăйсен право пĕлĕвне кăтартрĕç, тĕрлĕ лару-тăрура хăйсене мĕнле тытмаллине тишкерчĕç. Юлашкинчен библиотека ĕçченĕсем ачасене «Фемида и мы» буклет парнелерĕç.

Источник: "Каçал Ен"