24 ноября 2012 г.
Иртнĕ эрнере район администрацийĕнче депутатсен Пухăвĕн черетлĕ ларăвĕ иртрĕ. Пухăва район пуçлăхĕ Е.И.Карпеев ертсе пычĕ.
Вĕсем Комсомольски район бюджечĕн 2013 çулхи тата 2014—2015 çулсене хатĕрленĕ прогноз планĕн проект йышăнăвĕпе паллашрĕç. Ун çинчен тĕплĕнрех финанс пайĕн начальникĕ Е.И.Чернов каласа пачĕ те. Евгений Иванович çитес çула пур сфера валли те мĕн чухлĕ укçа-тенкĕ уйăрнипе тĕплĕн паллаштарчĕ. Депутатсенчен тухса калаçакансем те пулчĕç. «Дружба» ял хуçалăх кооперативĕн пуçлăхĕ Р.Мансуров çул-йĕр, спорт валли ытларах укçа-тенкĕ уйăрма ыйтать. Тĕслĕхрен, çак ял тăрăхĕнче çулсем ванса, çĕмĕрĕлсе пĕтнĕ. Ытти чылай ыйтăва та сÿтсе яврĕç пухăннисем.
Источник: "Каçал Ен"