14 ноября 2012 г.
«Раççей Ял хуçалăх банкĕ» АУО укçа-тенке кунта хурас текенсемшĕн çĕнĕ условисем сĕнет. Пурĕ 8 тĕрлĕ çĕнĕ вкладпа усă курма пулать. Вĕсем: «Классический», «Накопительный», «Управляемый», «Золотая пенсия», «Пенсионный плюс», «Детский», «Золотой», «Платиновый». Вкладсен процент шайĕсем чылай ÿснĕ. Уйрăм çынсемшĕн чи пысăк процент 12-пе танлашать.
Укçана 1 уйăхран пуçласа 5 çул таранччен хума пулать, вкладри сумма çумне хушма е укçан пĕр пайне вăхăтсăр илме юрать, виççĕмĕш çыншăн вклад уçма май пур.
Депозитсен условийĕсем банк клиенчĕсене хăйсен кăмăлне ытларах каякан вклада суйласа илме май параççĕ. Акă «Классическийпе» укçа-тенке упранă вăхăтрах тупăш илме, «Накопительныйпа» палăртнă срок валли укçа пуçтарма, «Управляемыйпа» хушăнакан процентсене çухатмасăр счет çинчи укçапа усă курма пулать.
«Золотая пенсия» тата «Пенсионный Плюс» вкладсене 2 çул таран хума пулать, çулталăкра 8,2 процент таран тупăш илме май пур. «Детский» вклада вара 18 çула çитмен ачасем çине уçаççĕ. «Золотой» тата «Платиновый» вкладсем - пысăк тупăшлă клиентсем валли.
«Раççей Ял хуçалăх банкĕн» çĕнĕ вклачĕсене тĕрлĕ тупăшлă клиентсем валли тунă. Çакă укçа-тенкĕпе туллин усă курма май парать.
Источник: "Каçал Ен"