10 ноября 2012 г.
Чăваш Республикин Министрсен Кабинечĕн йышăнăвĕпе килĕшÿллĕн республикăра пурăнакансем электронлă майпа патшалăх пулăшăвне илме пултараççĕ. Вĕсем пурĕ 77 (муниципаллă — 27, патшалăх — 50).
Пулăшу илес текенсен малтан сайтра регистрациленмелле, кайран вара Пĕрлĕхлĕ патшалăх пулăшăвне паракан портала кĕмелле. Ас тăвăр: пĕр хутчен кăна регистрациленме юрать.
Паянхи куна асăннă портала республикăри 10 пин ытла çын кĕрсе пулăшу ыйтнă. Вĕсем ытларах РФ паспортне, РФ Пенси фондĕнчен информаци илессипе, штрафсем пуррине е çуккине пĕлессипе тата ыттипе те çыхăннă.
Чăваш Енре патшалăх пулăшăвне электронлă майпа илесси планпа килĕшÿллĕн пурнăçланать.
Çулталăк вĕçлениччен çынсем тата патшалăх 50 пулăшăвне çак майпа илме пуçлĕç.
Источник: "Каçал Ен"