24 октября 2012 г.
Районти хуçалăхсенче çĕртме тăвасси малалла пырать. «Дубрава», «Асаново», «Изамбаево», «Рассвет» ЯХПКсенче, «Урожай» колхозра, Ф.Г.Хайртдиновăн, Минатуллинăн фермер хуçалăхĕсенче ку ĕçе вĕçленĕ, «Искра» колхозра, «Труд», «Восток», «Луч» ЯХПКсенче, «Родина», «Сюрбеево» ОООсенче, Атласкинăн фермер хуçалăхĕнче çĕртме тумалли нумай юлман.
Хуçалăхсенче çурхи культурăсене акма вăрлăх хатĕрлеççĕ. Тĕрĕслевĕн пирвайхи кăтартăвĕсем савăнтармаççĕ. 7 хуçалăхра пĕчĕк шăтаслăхлă, 11 хуçалăхра кĕлет сăвăсĕпе сиенленнĕ вăрлăха тупса палăртнă. Пахалăхсăр вăрлăх çине халех тимлĕх уйăрмалла, ăна е урăххипе улăштармалла, е тасатмалла. Выртнăçемĕн вĕсен пахалăхĕ чаксах пырĕ. Палăртмалла: юлашки çулсенче çакăн пек пахалăхсăр вăрлăхсем пулманччĕ-ха.
Чылай хуçалăхра çĕр улми вăрлăхне упрама хунă. Каçсерен сивĕтнине кура ăна шăнтса ярасран тивĕçлĕ мерăсем йышăнмалла.
Источник: "Каçал Ен"