20 октября 2012 г.
Октябрĕн 18-мĕшĕнче «Кĕтне» физкультурăпа спорт комплексĕнче стритбол (урамри баскетбол) вăййине кăмăллакансем тупăшрĕç. Спартакиадăра 5 команда вăй виçрĕ — Комсомольски, Канаш, Елчĕк, Патăрьел тата Шăмăршă районĕсен администрацийĕсен командисем.
Тупăшу питĕ хĕрÿ иртрĕ. Кашни команда пĕр-пĕринпе ăмăртрĕ. 7 минутлăх тăсăлакан вăйăра спортсменсем ăсталăхне кăтартрĕç. Чи маттуррисем Канашсем пулчĕç, пĕрремĕш вырăна тухрĕç. Иккĕмĕшпе виççĕмĕш вырăнсене Патăрьелсемпе Шăмăршăсем çĕнсе илчĕç. Комсомольскисем — Александр Краснов (команда капитанĕ), Ринат Султанов, Димитрий Тимофеев, Андрей Иванов, Андрей Салмин тăваттăмĕш вырăн йышăнчĕç.
Ăмăртăва Евгений Тихонов, Сергей Остапиенко, Александр Пундяков тата Елена Степанова судьясем йĕркелерĕç.
Ĕнер, октябрĕн 19-мĕшĕнче, малти икĕ команда Çĕрпÿ хулинче иртнĕ Спартакиадăн çурма финалне хутшăнса ăсталăхне кăтартнă.
Источник: "Каçал Ен"