20 октября 2012 г.
Шкулта вĕреннĕ чухнех Алексей Николаевран ÿссен кам пулан, тесе ыйтсан, «Тракторист пулатăп. Тăван колхоза юлса ĕçлетĕп»,— тенĕ.
Вăтăр пилĕк çул ытла Алексей Васильевич «Труд» ЯХПКра «хурçă ут» çинче ĕçлет. Хăйне шанса панă техникăна вăл яланах таса, юсавлă тытать. Унăн МТЗ-82 маркăллă тракторне никам та нумай çул ĕçлет тесе калаймасть пулĕ. Мĕншĕн тесен ăна пултаруллă механизатор кашни çулах техосмотр умĕн çĕнĕ сăн кĕртет.
— Техника вăл чĕрĕ чун пекех — хăйне пăхнине юратать. Лайăх, шанчăклă ĕçлетĕр тесен, паллах, кивелнĕ саппас пайĕсене те вăхăтра улăштармалла. Трактор «ĕмĕрне» çавăн пек кăна тăсма пулать,— терĕ Алексей Васильевич.
Вăл пур ĕçре те хастарлăхĕпе, маттурлăхĕпе палăрнăскер, ыттисене ырă тĕслĕх кăтартать.
Источник: "Каçал Ен"