20 октября 2012 г.
Прокуратура ĕçченĕсем октябрĕн 18-мĕшĕнче районти тĕп библиотекăра право сехечĕ ирттерчĕç. Унăн тĕп теми: вырăнти самоуправлени тата патшалăх органĕсенче граждансен ыйтăвĕсене (обращенисене) пăхса тухмалли йĕркене пăхăнасси.
Мероприятие район прокурорĕн пулăшаканĕ Антон Петров, библиотека ĕçченĕсем, Тукай, Элпуç, Хырхĕрри, Хирти Сĕнтĕр, Аслă Чурачăк ял поселенийĕсен пуçлăхĕсем Ольга Андреева, Владимир Гордеев, Анатолий Воробьев, Геннадий Ефремов, Юрий Лукиянов тата ыттисем те хутшăнчĕç.
Район прокурорне пулăшаканĕ, кун йĕркипе килĕшÿллĕн, пухăннисене чылай саккуна ăнлантарса панипе пĕрлех граждансен ыйтăвĕсене пăхса тухас майсемпе те паллаштарчĕ. Çавăн пекех Антон Ильич ял поселенийĕсен пуçлăхĕсен ыйтăвĕсем çине хуравларĕ.
Юлашкинчен прокуратура ĕçченĕ ял поселенийĕсен пуçлăхĕсене саккуна çирĕп пăхăнса ĕçлеме ăнăçу сунчĕ.
Источник: "Каçал Ен"