13 октября 2012 г.
Чĕчкен ялĕнче спортпа тата физкультурăпа туслă Динар Гайнуллова (сăн ÿкерчĕкре) лайăх пĕлеççĕ. Сăпайлă, тăрăшуллă каччă вĕренÿре те «4» тата «5» паллăсемпе ĕлкĕрсе пырать.
— Динар класри пур ачашăн та тĕслĕх. Вăл вĕренÿре кая юлакансене пулăшать, вăйсăртараххисене яланах хÿтĕлет, — терĕ 10-мĕш класс ертÿçи Лилия Гайнетдинова.
Динарăн спортри чи лайăх кăтартăвĕсем — 100 метра чупассипе. Тĕрлĕ енлĕ аталаннă каччă шывра ишессипе те аван кăтартусемпе палăрнă, район чысне тĕп хуламăрта иртекен ăмăртусенче те хÿтĕленĕ.
— Полици ĕçченĕ пулма ĕмĕтленетĕп. Тĕллеве пурнăçа кĕртме нумай тăрăшмалла, вĕренÿре те, спортра та малти ретре пулмалла, — терĕ Динар Гайнуллов.
Источник: "Каçал Ен"