Публикации » АПК ветеранĕсем пухăннă

13 октября 2012 г.

Нумаях пулмасть район администрацийĕн ларусен залĕнче агропромышленность комплексĕнче ертÿçĕре ĕçлесе тивĕçлĕ канăва тухнисен пухăвĕ иртрĕ. Унта АПК ветеранĕсен районти уйрăмне туса хурас ыйтăва пăхса тухрĕç. Ял хуçалăхĕнче чылайшар çул тăрăшнă çынсен пурнăç опычĕ те, хуçалăхсене халь ертсе пыракансене памалли сĕнÿ-канаш та пурах. Пухура виçĕ çынран тăракан совет суйласа хăварчĕç. Председателĕн «тилхепине» вара нумай çул «Труд» ял хуçалăх производство кооперативне ертсе пынă Василий Николаева шанса пачĕç.

АПК ветеранĕсен совечĕ агропромышленноçра тăрăшакансене çывхарса килекен Ял хуçалăх ĕçченĕсен кунĕ ячĕпе саламларĕ.

Источник: "Каçал Ен"