13 октября 2012 г.
Октябрĕн 12-мĕшĕ тĕлне районти хуçалăхсенче 1925 гектар çинчи çĕр улмине пуçтарса кĕртнĕ. «Комсомольские овощи» агрофирмăра, «Пайгас» ЯХПКра, Хайртдиновăн, Самаринăн фермер хуçалăхĕсенче тата пурĕ 71 гектар кăлармалли юлнă. Районĕпе 35499 тонна çĕр улми пуçтарса кĕртнĕ, вăтам тухăç гектартан 184 центнерпа танлашать.
Хуçалăхсенче 11632 гектар çинче çĕртме тунă (64 процент). «Искра», «Урожай» колхозсенче, «Дубрава», «Асаново», «Труд», «Изамбаево», «Рассвет» ЯХПКсенче çак енĕпе уйрăмах ăнăçлă ĕçлеççĕ. Çанталăк лайăх тăнă чухне ку ĕçе хăвăртлатсан аван пулмалла.
Районти хуçалăхсем çурхи культурăсене акма вăрлăх хатĕрлеме пикеннĕ. Палăртмалла: хăш-пĕрисен акмалли вăрлăхăн пахалăхĕ япăх. Çавăнпа ăна аванрах шăтакан вăрлăхпа улăштармалла.
Источник: "Каçал Ен"