10 октября 2012 г.
Октябрĕн 9-мĕшĕ тĕлне районти хуçалăхсенче пурĕ 1871 гектар çинчи çĕр улмине кăларнă. Чылай хуçалăхра ку ĕçе вĕçленĕ ĕнтĕ. Районĕпе тата 165 гектар çинчен «иккĕмĕш çăкăра» пуçтарса кĕртмелли юлнă. Хальлĕхе пурĕ 34310 тонна тухăç илнĕ (кашни гектартан вăтамран 183 центнер).
Çĕртме тăвасси хуçалăхсенче малалла пырать. Пурĕ 10543 гектар çинче çак ĕçе пурнăçланă. «Искра», «Урожай» колхозсенче, «Дубрава», «Изамбаево», «Рассвет» ЯХПКсенче, Хайртдиновăн, Минатуллинăн фермер хуçалăхĕсенче ку енĕпе уйрăмах тăрăшаççĕ.
Хирти ĕçсем вĕçленсе пыраççĕ. Хуçалăхсен ертÿçисене, агрономсене çурхи культурăсене валли вăрлăх çителĕклĕ хатĕрлесе хăвармаллине аса илтеретпĕр.
Источник: "Каçал Ен"