05 сентября 2012 г.
Минатуллинăн хресчен (фермер) хуçалăхĕнче кадрсемпе ĕçлекен инспектора Валентина Митюковăна пĕлмен çын сахал. «Шут ĕçĕнче ĕмĕре ирттертĕм»,— тет вăл. Паян Валентина Эбдиевна 60 çулхи юбилейне паллă тăвать.
Иртнĕ çул маттур та тăрăшуллă хĕрарăм республикăри конкурсра «Чи лайăх анне» номинацире çĕнтерÿçĕ те пулса тăнă.
Вăл мăшăрĕпе 5 ача çуратса ÿстерсе пурнăç çулĕ çине кăларнă. Аслă ывăлĕ Сергей — пакунлă çын, ĕçри çитĕнĕвĕсемшĕн нумаях пулмасть ăна майор званийĕ панă. Хĕрĕ Ирина Самар хулинче тĕпленнĕ. Марина Комсомольскинче пурăнать, «Россельхозбанк» АУОра тăрăшать. Александр районти шалти ĕçсен пайĕнче тимлет.
Кĕçĕн ывăлĕ Владимир РФ Пенси фончĕн районти управленийĕнче ĕçлет.
«Эпĕ — телейлĕ анне. Хĕрарăмшăн унран пысăк телей пур-ши;» — тет В.Митюкова.
Источник: "Каçал Ен"