01 сентября 2012 г.
Çумăр çунипе, çанталăк улшăннипе ĕнесем сĕт антарасси юлашки кунсенче кăштах чакрĕ. Августăн 30-мĕшĕнче районти вăтам сăвăм 13,8 килогрампа танлашнă. Пĕлтĕр çак вăхăтра кашни ĕнерен 12,8 килограмм сĕт сунă. Яланхи пекех, Тукайри («Рассвет») сĕт-çу ферми малта пырать. Кунта пĕр ĕне пуçне талăкра 23,8 килограмм сĕт сăваççĕ. «Искра» колхозăн (16,9), «Победа» кооперативăн (16,4), «Родина» фермер хуçалăхĕн (16,3) дояркисем те хастар ĕçлеççĕ. «Восток» кооперативри ĕнесем вара талăкра 11,4 килограмм çеç сĕт антараççĕ, çакă — районти чи пĕчĕк кăтарту.
Источник: "Каçал Ен"