01 сентября 2012 г.
Августăн 31-мĕшĕ тĕлне районти хуçалăхсенче пĕрчĕллĕ тата пăрçа йышши культурăсене 11162 гектар çинче çапса тĕшĕленĕ (89 процент), тата 1441 гектар юлнă. 15 хуçалăхра пĕтĕм тыр-пула пухса кĕртнĕ,
Паянхи куна хуçалăхсенче 24489 тонна тырă çапса илнĕ. Кашни гектар тухăçĕ вăтамран 21,9 центнерпа танлашать.
Хăш-пĕр хуçалăхсенче обществăлла выльăх-чĕрлĕх валли апат хатĕрлесси малалла пырать. Акă, «Алга» ЯХПКра кукуруза вырма пикеннĕ.
Районти виçĕ хуçалăхра — «Слава картофелю» (92 гектар) тата «Комсомольские овощи» (55 гектар) агрофирмăсенче, «Дружба» ЯХПКра (12 гектар) «иккĕмĕш çăкăра» тăрăшсах кăлараççĕ.
Хуçалăхсенче паянхи куна 4219 гектар (28 процент) çинче çĕртме тунă.
Районти хуçалăхсем кĕрхи ака ĕçĕсене те пикеннĕ. Августăн 31-мĕшне 980 гектар акма ĕлкĕрнĕ. «Дубравăра» — 170, «Трудра» —140, «Рассветра» 137 гектар çинче кĕр тыррисем акнă.
Источник: "Каçал Ен"