25 августа 2012 г.
Элпуç ял поселенийĕн агитбригада ушкăнĕ иртнĕ кунсенче «Дружба» ял хуçалăх производство кооперативĕн уй-хир ĕçченĕсене концертсем лартса пачĕ.
Акă, августăн 21-мĕшĕнче вĕсем ЯХПКан машинăпа тракторсен паркĕнче савăк юрă шăрантарчĕç. Çавăн пекех Хирти Явăшри йĕтем çинче тырă аллакансем умĕнче концерт лартрĕç. Программăна художество руководителĕ Галия Тазетдинова ертсе пычĕ. Куракансене Минадора Гаврилова, Роза Розова, Наталья Павлова, Эльвира Гордеева тата Владимир Павлов шăрантарнă «Эх, юррăм, янăра», «Ватăлмастпăр-ха...» тата ытти юрăсем килĕшнĕ. Çавăн пекех йĕтем ĕçченĕсем лартнă сценкăсем, вăйăсем хыççăн артистсене нумайччен алă çупса тав турĕç.
Источник: "Каçал Ен"