21 июля 2012 г.
Комсомольскинчи ачасен искусство шкулĕн «Островок» хореографи ушкăнĕн пĕчĕк йышĕ çак кунсенче Турцире иртнĕ этника культурисен фестивалĕнчен таврăннă. Фестиваль Манис облаçĕнчи Адалинск муниципалитетĕнче Акатуй-Сабантуй евĕрлĕ иртнĕ, тăватă куна пынă. Уява абрикос, черешня пуçтарсан, виноград татиччен йĕркелеççĕ иккен, кăçалхипе — 19-мĕш хут. Унта Саха-Якути республикинчи этнографипе фольклор коллективне, Чăваш Республикинчи «Островок» хореографи ансамбльне, тĕрĕк халăхĕсен юррисене юрлакан Англири, Болгарири юрăçсене, Турци çĕр-шывĕнчи Анкарари, Стамбулти, Измирти профессиллĕ артистсене йыхравланă. Ыттисемпе пĕрлех Чăваш Республикин ялавĕ вĕлкĕшнине курма кăмăллă пулнă пирĕн ташăçăсене. Фестивале хутшăнакансен пултарулăхне курма кунсерен таврари ялсемпе хуласенчи 30 пин çын пынă.
Пирĕн «Островок» ансамбль «Улттăмĕш туйăм», «Чăваш çамрăкĕсен ташши» тата «Тутар хĕрĕсен ташшине» кăтартнă. Вĕсене куракансем хапăлласа йышăннă, уява йĕркелекенсем Тав хучĕсемпе асăнмалăх парнесем парса чысланă.
Фестивале хутшăнакансем пушă вăхăта ахаль ирттермен,
Источник: "Каçал Ен"