21 июля 2012 г.
Комсомольски районĕн халăха ĕçпе тивĕçтерекен центрĕ паракан пулăшусене ĕçсĕр граждансемпе ĕç паракансем халь электронлă майпа та илме пултараççĕ. Акă çав пулăшусен переченĕ:
— заявленисене йышăнасси тата çул çитменнисене (14—18 çултисене) вĕренÿрен ирĕклĕ тапхăрта, ĕç шыракан çынсене, тин çеç вăтам е ятарлă вăтам пĕлÿ илнисене пĕрремĕш хут ĕçе вырнаçас текенсене вăхăтлăх ĕç тупса парассине йĕркелесси;
— заявленисем йышăнасси тата тÿлевлĕ обществăлла ĕç пурри çинчен информаци парасси;
— граждансене юрăхлă ĕç тупма пулăшасси, ваканси ярмăрккисем иртессине тата пушă ĕç вырăнĕсем пуррине пĕлтересси;
— ĕç паракансене кирлĕ сотрудниксем суйласа илме пулăшасси (ĕç шыракансен списокĕнчи сведенисем тăрăх).
Асăннă пулăшусене илес кăмăллисен Россия Федерацийĕн патшалăх пулăшăвĕсен порталĕ çинче http:ŸŸwww.gosuslugi.ruŸ регистрациленмелле. Килтен тухмасăрах патшалăх пулăшăвĕ илме май пуррипе усă курăр. Тĕплĕнрех 5-13-79 телефонпа ыйтса пĕлме пултаратăр.
Источник: "Каçал Ен"