18 июля 2012 г.
Районти хуçалăхсенче пикенсех выльăх апачĕ хатĕрлеççĕ. Паянхи куна 5660 тонна утă е палăртнин 84 процентне янтăланă. Чи нумай хатĕрленĕ хуçалăхсем: «Урожай» колхоз, «Дружба», «Труд», «Слава» ЯХПКсем. Районĕпе пурĕ 14366 тонна сенаж хывнă (палăртнин 72 проценчĕ). Ку енĕпе чи ăнăçлă ĕçлекенсем: «Восток» ЯХПК — 2000 тонна, «Урожай» колхоз — 1910 тонна, «Искра» колхоз — 1450 тонна, «Рассвет» ЯХПК — 1238 тонна, «Асаново» — 1225 тонна, «Пайгас» — 1200 тонна. Пĕр çул ÿсекен курăксене çуласси малалла пырать. Хальлĕхе ку ĕçе 786 гектар çинче пурнăçланă.
Районти 17 хуçалăхра кĕрхи тырăсем акма çĕр хатĕрлеççĕ. Çак ĕç уйрăмах «Дубрава» ЯХПКра, «Слава картофелю», «Комсомольские овощи» агрофирмăсенче тата ытти хăш-пĕр хуçалăхра аван пырать. «Искра», «Урожай» колхозсенче, «Труд» ЯХПКра çĕртме тăваççĕ, паянхи куна 123 гектар çинче пурнăçланă. «Труд» ЯХПКра 30 гектар çинче пăрçа çулнă. «Комсомольские овощи» агрофирмăра ир пулакан çĕр улмин 10 гектарне кăларнă, 120 тонна тухăç илнĕ.
Источник: "Каçал Ен"