27 июня 2012 г.
Паянхи кун хуçалăхсенче выльăх апачĕ хатĕрлесси малалла пырать. Нумай çул ÿсекен курăксен 4150 гектарне çулнă та ĕнтĕ.
Пурĕ районĕпе 3840 тонна утă хатĕрленĕ. Çакă палăртнин 56 проценчĕпе танлашать. Уйрăмах «Урожай» колхозра (538 тонна), «Слава» (403 тонна), «Труд» (330 тонна), «Дружба» (300 тонна) ЯХПКсенче ку ĕçе лайăх йĕркеленĕ. Вĕсем хăйсене кирлĕ чухлĕ апат хатĕрлесе пыраççĕ ĕнтĕ. Сăмах май, пĕлтĕр ку вăхăт тĕлне 133 тонна çеç утă хатĕрленĕ пулнă. Çавăнпа та ку енĕпе кăçал аван ĕçленине палăртмалла.
Районĕпе пурĕ 1840 тонна сенаж хывнă, çав шутра «Восток» ЯХПКра — 200 тонна, «Асановăра» — 370 тонна, «Победăра» — 600 тонна, «Рассветра» — 670 тонна. Пĕлтĕрхи çак вăхăтра хуçалăхсенче пурĕ 4735 тонна сенаж хывнă пулнă.
Юлашкинчен çакна палăртса хăварас килет. Кăçалхи çанталăк условийĕсем тыр-пула, пахча çимĕç культурисене сиенлекен хурт-кăпшанкăсене аталанма лайăх майсем туса параççĕ. Çавăнпа та акнă лаптăксене тĕрĕслесех тăмалла, сиенçĕсемпе кĕрешесси çине пысăк тимлĕх уйăрмалла.
Источник: "Каçал Ен"