27 июня 2012 г.
тет «Слава» ял хуçалăх производство кооперативĕн механизаторĕ Сергей Падюкин. Вăл çак ĕçре 13 çул ытла тăрăшать. Шаннă ĕçе яланах тÿрĕ кăмăлпа пурнăçлать.
Акă, икĕ-виçĕ эрне каялла кăна вăл кооперативăн виççĕмĕш хирĕнче козлятник ÿсекен лаптăкра пакуссене ворошилкăпа хускатса пынă.
Паянхи куна Александровкăсем 400 тонна ытла утă хатĕрленĕ. Кунта, паллах, механизаторсен тÿпи пысăк. Вĕсенчен пĕри вăл — Сергей Падюкин. Сергей Юрьевич техникăна та, агрегатне те яланах тирпейлĕ, юсавлă тытать.
Икĕ хĕр çитĕнтереççĕ Падюкинсем. Мăшăрĕ, Мария Николаевна, ачапа килте лараканскер, Сергей Юрьевича ĕçрен ăшă сăмахпа, вĕри апатпа кĕтсе илет.
«Çанталăкăн кашни сехечĕпе усă курмалла,— терĕ вăл. — Халĕ çулса пăрахнă люцернăна ворошилкăпа хускататăп. Вăхăтра хатĕрленĕ утта выльăх-чĕрлĕх те килĕштерсе çийĕ, ытларах сĕт парĕ».
Источник: "Каçал Ен"