20 июня 2012 г.
Республикăра математикăпа пĕтĕмĕшле пĕлÿ экзаменне 8919 çын тытнă, вăтам балл — 49,65 (2011 çулта 52,96 балл пулнă). 104 çын (1,17 процент) 80 балл тата ытларах пухнă. Чи пысăк балл — 98.
Ĕнер, июнĕн 19-мĕшĕнче, математикăпа ППЭ кăтартăвĕсемпе паллашма май пулнă.
Районти 12 шкултан вĕренсе тухакансем математика предмечĕпе 261-ĕн экзамен тытнă. 5 шкулта пĕлÿ пухнă 8 ача 24 балл та пухайман. Икĕ вĕренекенĕн — Комсомольски 1-мĕш тата 2-мĕш вăтам шкулĕсенчен — экзаменри балĕсем 90-ран иртнĕ. 19 ача 70—79 балл пухнă (ку вăл экзамен тытнисенчен 7 проценчĕпе танлашать).
Источник: "Каçал Ен"