23 мая 2012 г.
Майăн 15-мĕшĕнче Раççей ял хуçалăх банкĕн Чăваш Енри филиалĕ «Пирĕн ялăн пуласлăхĕ» конкурса пĕтĕмлетнĕ. Унта 7—17 çулхи ачасем хутшăннă. Çĕнтерÿçĕсене 2 ушкăнра палăртнă: 7—12 çулхисем тата 13—17 çулхисем. Конкурсăн юлашки тапхăрĕ Шупашкар хулинче иртнĕ.
Комсомольски 1-мĕш номерлĕ вăтам шкулĕн вĕренекенĕсем конкурса хастар хутшăннă. 6-мĕш «б» класра ăс пухакан Станислав Макаров хăйĕн ушкăнĕнче 1-мĕш вырăн йышăннă (ертÿçи — Надежда Виссарионовна Игнатьева).
Çавăн пекех нумаях пулмасть «Заповедная природа без пожаров» конкурса та пĕтĕмлетнĕ. Унта Станислав 3-мĕш вырăна тивĕçнĕ.
Источник: "Каçал Ен"