19 мая 2012 г.
Вут-кăвар пысăк инкек илсе килнине пурте лайăх пĕлетпĕр. Анчах та пушар хăрушлăхĕ сиксе ан тухтăр тесе ансат правилăсене те пăхăнмастпăр.
Акă, нумаях пулмасть Хырай Ĕнелĕнче пĕр хуçалăхра «хĕрлĕ автан» алхаснă. Унăн тĕп сăлтавĕ — мунча мăрйи юсавсăр пулни. Тепĕр инкек майăн 11-мĕшĕнче Йăлмахва ялĕ çывăхĕнче сиксе тухнă. Хирте тăракан автомашина çунма тытăннă. Сăлтавĕ — техника узелĕсем юсавсăр пулнинче.
Район çыннисене район администрацийĕн пуçлăхĕн кăçалхи апрель уйăхĕнчи 202-мĕш №-лĕ хушăвĕ вăя кĕнине аса илтеретпĕр. Унпа килĕшÿллĕн, кирлĕ-кирлĕ мар çĕрте типнĕ курăксене çунтарнăшăн çынсене явап тыттараççĕ.
Источник: "Каçал Ен"